Մեղուն ու հավը

Հավը Մեղվի վրա ծիծաղելով ասաց մեկ անգամ.
— Ինչ անշնորհք ճանճ ես դու, ամբողջ օրը ծաղկից ծաղիկ ես թռչկոտում և ոչ մի բանի
պետք չես գալիս:
—Իսկ դու, հավիկ — մարիկ, ի՞նչ ես շինում,- հարցրեց մեղուն:

— Մի՞թե չգիտես, թե ինչ եմ շինում, ես քեզ նման պարապ — սարապ չեմ տզտզում: Ես օրը
մեկ ձու եմ ածում, մեկ ձու, գիտե՞ս մեկ ձուն քանիս է:
—Գիտեմ, գիտեմ, հասկացա: Բայց ես մինչև հիմա կարծել եմ, թե դու օրը հարյուր ձու ես
ածում:
— Ինչպե՞ս կարելի է օրը հարյուր ձու ածել, անխելք մեղու:
— Ապա եթե քո ածածդ ընդամենը մի ձու է, էլ ինչո՞ւ ես հարյուր անգամ կչկչում, թե հա˜յ,
հարա˜յ, լսեցեք, որ ձու եմ ածել: Իմ կարծիքով ՝ այսքան կչկչալուն մի ձուն շատ քիչ է:
Այնպես չէ, իմաստուն հավիկ — մարիկ:
— Բայց դու ի˜նչ ես շինում, դու, որ իմ մի ձուն քիչ ես համարում:
— Ես ինչ որ շինում եմ, քեզ պես կչկչալով չեմ հայտնում ուրիշներին: Ես գլուխս քաշ գցած,
մեղր եմ շինում: Գիտե՞ս ինչ է մեղրը: Դա հավի կերակուր չէ, քո խելքի բանը չէ, հավիկ —
մարիկ:

Առաջադրանքներ․

1.Անծանոթ բառերը դուրս գրի՛ր և բառարանի օգնությամբ բացատրի՛ր։

Ածել-լցնել

Կչկչալ-գոռալ

Շինել-պատրաստել

Գլուխս քաշ գցած-գլուխը կախել, գլուխը խոնարհել

 

2.Ինչպիսի՞ հարցին պատասխանող բառերին ավելացրեք ի՞նչ, ինչե՞ր, ո՞վ, ովքե՞ր հարցերին պատասխանող բառեր:

գեղեցիկ—գեղեցիկ մայրիկ

ծիծաղկոտ—ծիծաղկոտ ծաղրածու

ուրախ—ուրախ դեմք

մտածկոտ—մտածկոտ մարդ

երազկոտ—երազկոտ երեխա

դանդաղաշարժ—դանդաղաշարժ կրիա

բրդոտ—բրդոտ արջ

3.Կազմի՛ր տրված բառերի հոգնակի թիվը: Բոլոր բառերին ավելացրո՛ւ  —եր կամ –ներ մասնիկները:

Քար—քարեր

կատու—կատուներ

շուն—շներ

գառ—գառներ

տուն—տներ

դուռ—դռներ

գրիչ—գրիչներ

մատ—մատեր

սրիչ—սրիչներ

երեխա—երեխաներ

թռչուն—թռչուններ

գդալ—գդալներ

գիրք—գրքեր

տետր—տետրեր

տառ—տառեր

սեղան—սեղաններ

4.Մեկ բառով գրեք: Երկրների անունները չմոռանաք գրել մեծատառ:

Հայերի երկիրը—Հայաստան

Հնդիկների երկիրը—Հնդկաստան

Վրացիների երկիրը—Վրաստան

Ռուսների երկիրը—Ռուսաստան

Հույների երկիրը—Հունաստան

Պարսիկների երկիրը—Պարսկաստան